عيد ميلاد مبارك - وايه حكاية القرنين؟
كتبها(¯`·._.·(واحدتاني)·._.·°¯) ، في 29 مايو 2007 الساعة: 01:11 ص
قرأت وجمعت لكم ما يلي
ابو علاء
الرابع من مايو حدث هام في مصر …
عيد الميلاد الـ ثمانين ولا الـ79 مش تفرق
للرئيس محمد حسني مبارك
وهو اطول رئيس جمهورية مصري حكما وعمرا في عصر مصر الحديث … بعد محمد علي باشا
[ فمحمد علي (1769-1849) مات في سن الثمانين بعد أن حكم مصر 43 عاما..قبل أن يعزله أبناؤه في سبتمبر من العام ألف 1848.. لأنه قد أصيب بالخرف]
وبعد الثورة
عاش جمال عبد الناصر 52 عاماً (1918-1970) ومات السادات عن عمر يناهز 63 عاماً (1918-1981).
***********
ومن بين زعماء دول العالم اليوم لم يبق أمامه في قائمة الزعماء والحكام الأكبر عمراً سوى عشرة منافسين فقط
**********
اما الرؤساء العرب بعد ريسنا يأتي التالي سعودي والتالت كويتي
******************
الريس و القرنين
مواليد برج الثور
الحاقدون يسمونه الرجل ذو القرنين لانه عاش القرن 20 و 21 وربما بيرسم على القرن 22
ونقول لهم موتوا حقدا ربنا يزيده قرون تضاف لقرنيه ويغيظكم
**********
أتذكر انجازاته المهولة خلال فترة حكمه الممتد الزاهي .. وتنفشخ ضبتي من فرط السعادة . . وتتساقط بطيئة ملتهبة دموعي… دموع
دموع الفرح
************************
وادي مزحة من شاعر معروف ولكن بلاش اقول اسمه في ظل قانون الارهاب المنتظر في احد موالـــد واحد ريس
سيدي الرئيس
في عيد ميلادك الكام وسبعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
وياترى ياحبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
و هل تعلم أن النيل بقي رشاح
و الجو أصبح بيئة والعيشة ولعة
و الشرفا قلوبهم عالبلد والعة
و انت عاملهم مذبحة ولا بتاعة القلعة
و الإقتصاد سداح
و السرقة بقت كفاح
و مصر متاحة بس للسياح
و عرض البلد بقي مستباح
و الثانية
ورتنا الويل
دا الخطوة في عهدك بقت ميل
و الضحك بقي نواح و عويل
و الكوسة
عارف الكوسة
ممكن أقول لك فيها مواويل
و الجامعة بقت يا إما كباريه أو دار مسنين
و الشباب معظمهم من غير خمرة سكرانين
و العلم عز علي المتعلمين
و الأساتذة بقم دجالين
و القادة بقم طبالين
و اديني في الهايف يا حبيب الملايين
و الثالثة
عارف اليابانيين
زمان في سنة اتنين و خمسين
كان عندنا تروماي و كان عندنا علم و متعلمين
و ثقافة و مثقفين
و أدبا و علما و فنانين
و كانو اليابانيين
بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
و الرابعة
أمن بلدنا بقي تنين
و المحاكم اتملت مظالم
و العدالة بقت كمالة
و كلمة الحق في الزبالة
و أصحابها في الزنازين
و الخامسة
القطاع العام….عام
و الفساد…..ساد
وفي جتة بلدنا بيرعي
أفتكر لجنابك إيه و للا إيه
و كل ذكري ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية و سبعين
بس ها كفيهم ورق منين
و كل سنة و انت …………
و احنا طيبين
هــــــــــانت
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
أبريل 24th, 2007 at 24 أبريل 2007 4:30 م
واحد تاني احنا هما مش بيقولو عصر الديناصور ات انقرض
تفتكر مين الي قرضوه
وهما كما مش بيقولو ا احنا العرب عندنا مغمرين كتير
مكتوب علينا عدم التغيير حتى اشعار اخر وهو الموت
أبريل 24th, 2007 at 24 أبريل 2007 6:42 م
أخي واحد تاني/
هل تعلم أن الرئيس حسني مبارك هو صاحب ثالث أطول مدة حكم في تاريخ مصر المدون،
بعد رمسيس الثاني، 60 سنة
ومحمد على 45 سنة..
إدعلي له، بحطم الرقم القياسي ونغرق إنجازات..
تحياتي..
أبريل 24th, 2007 at 24 أبريل 2007 7:27 م
اخى واحد تانى
ممكن تغير السيرة وتتحدث عن شيئ تانى….من كتر الحديث عن الريس من 26 سنة والواحد اصابه الجمود…..خلونا ننساه شويه ونركز فى حاجة تانية
هو وحش,,,,,,,,,,,,,احنا بقه هنعمل ايه عشان نغير الوحش…مش هقولك نغيره هوه بس اللى نقدر عليه
تحيتى ولك سلاماتى
ايمن مصطفى
أبريل 24th, 2007 at 24 أبريل 2007 7:42 م
الاخ الغالي فارس…… واحد تاني …..وفعلا انت فارس في الكتابه الساخره !! اكتشفت فيك ساخرا عميقا يا صديقي …..والسخريه في زماننا العربي المسخرة هي ابلغ الكتابات! استمر مع امنياتي لك بفضاء اوسع انتشارا لكتاباتك …..اشكر تواصلك الرائع
أبريل 29th, 2007 at 29 أبريل 2007 5:56 م
تحياتي لك يا أخي العزيز ولعمنا الفاجومي صاحب القصائد الرائعة…
سخريتك دي ترشحك لكي تكون أول من يطبق عليه قانون الإرهاب
تحياتي وسلاااامي لك
مايو 1st, 2007 at 1 مايو 2007 8:11 م
لين طاح الجمل كثرت سكاكينه - ألستم من الذين تقولون أطع الحاكم ولو ضربك على ظهرك - إذا قبلتم هذه المقوله فعلينا أن نسكت وإلا فلنغيرها إلى كما أشار القرآن الكريم الطاعه لأولياء الله فقط ومن هم أولياء الله عليك بالبحث عنهم في بواطن الكتب لتعرفهم وهم كما أشار لهم نبينا (ًص) خلفائي من بعدي إثنا عشر خليفه كلهم من قريش - وعليك بذكر أسمائهم واحدا واحد وسيطمئن قلبك معهم ةلكم الشكر والتقدير .
مايو 2nd, 2007 at 2 مايو 2007 10:25 م
وينك ,,,,,,,,,,,
بارك الله فيك و سدد خطاك
مايو 4th, 2007 at 4 مايو 2007 4:28 ص
بسسسسس جامدة اخر حاجة انا كنت ناوي اعمل فكرة بردة كدة بس انت عملتها الاول كل سنة و مصر مش بخيررررر
صاحب مدونة نقطة نظام http://www.lifeonnile.blogspot.com
و just4peac@hotmail
و بمناسبة فرح جمال بية اطال اللة عمرة و رضى الامريكان عنة و باركة اسرائيل
مبروك يا عريسنا
يا أبو شنه ورنه
يا واخدنا وراثه
أطلب واتمنى
وأخرج من جنه
أدخل على جنه
مش فارقة معانا
ولا هارية بدنا
ولا تاعبه قلوبنا
ولا فاقعة بيضاننا
يا عريس الدولة
أفرح وأتهنى
ما أحناش كارهينك
لكن هارشينك
ح تكمل دينك
وتطلع دي
مايو 5th, 2007 at 5 مايو 2007 1:39 ص
أخواني الاعزاء أرجو المرور والتعليق على مقالتي الأخيرة
من 30 عاما ونحن ننتظر مستقبل مصر المشرق والخروج من عنق الزجاجة وتحقيق الرخاء !!! بقلم الأستاذ : محمد قطب
مع خالص الشكر والتقدير , بارك الله فيكم
مايو 7th, 2007 at 7 مايو 2007 12:18 ص
الاخ والصديق الغالي فارس …واحد تاني……. الف بعد الشر عنك ….ما بك يا صديقي …..ولما اصبحت قراءة الرواية من امنياتك ؟؟؟؟؟؟؟؟ اشغلتني عليك عسى المانع خيرا ؟؟؟؟؟ومجرد كسل في المتابعه فقط وامل ذلك …….حتى اتيك بنفسي لاروي لك كما روت شهرزاد الحكايا ….لشهريار …….
مايو 7th, 2007 at 7 مايو 2007 2:39 ص
عزيزي ..مدون .. واحد تاني … منك لله أوجعتنا … بحالنا الذي أصبح أسوا من حال بلاد أدغال أفريقيا
مايو 7th, 2007 at 7 مايو 2007 8:21 م
يا مبارك
خد جمالك
خد علاءك
خد مراتك
خدهم كلهم
وربنا يباركلك فيهم
وابعدوا عننا
معلش نسيت ديجا
مرات الريس الجديد
لأنى خفت اكتب اسمها الأصلى لحد يغلط ويقول رضى الله عنها
مايو 7th, 2007 at 7 مايو 2007 8:26 م
وعلى فكره فى قصيده تانيه لنجم بدايتها
دا شعب فقرى
نظرا لأن النعمة فاقت حدها
ولأننا مش قدها
ولأن فعلا انجازاتك ..
فوق طاقتنا نعدها
ولأننا غرقنا في جمايل ..
مستحيل حنردها
نستحلفك ……. نسترحمك
نستعطفك ……. نستكرمك
ترحمنا من طلعة جنابك حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارْفُهْ شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد “غازه” لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد “مستوطنة”
(متسلطنة بالسرطنة)
إيه اللي خدناه م الكرامة والإباء
حبة خطب وكلام…كلام
إحنا راهننا على النظام
ورضينا بخيار السلام
بخيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة ..
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم ..
خليك مطرحك
حاغطس واقب وأعود ..
بشعب يريحك
راضى وعمره مايجرحك
أخْرَس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
مايو 9th, 2007 at 9 مايو 2007 3:37 م
جميل للغاية
مايو 11th, 2007 at 11 مايو 2007 6:51 ص
مجموعة أشعار حرة منهى الجمال ترسم بسمة و تزرع فكرة
مايو 11th, 2007 at 11 مايو 2007 9:31 م
أخي الفاضل
تحياتي لك ولمدونتك جعلها الله نفعا لكل مسلم
لاتنس ان تشرفنا بقراءة آخر مقال لنا بعنوان
مصر عام 2030 بقلم : محمد قطب
تحياتي
مايو 13th, 2007 at 13 مايو 2007 5:43 م
بعد السلام والتحية
أدعوك للمشاركة معنا في نشر اسم وكالة الاخبار الإسلامية لعل الله يجازينا خيرا في نشر كلمة من يدافعون عن الإسلام .
للدفاع عن قضايا الأمة الإسلامية ساهم في نشر عنوان موقع وكالة الأخبار الإسلامية نبأ في كل مكان والتعريف بأهدافها وأنشتطها .. وتأكد أن مشاركتك في نشر اسم الوكالة أو أحد موضوعاتها سيكون بمثابة لبنة في بناء صرح كبير للدفاع عن قضايا الأمة الإسلامية أمام العدوان المتربص بها في كل مكان.
والمطلوب منك أن تقوم بأحد هذه المساهمات
* التعريف بالموقع في محيط عملك واسرتك وزملائك.
* التعريف بالموقع في منتدى من المنتديات التي تشارك فيها سواء أكانت منتديات إسلامية أو غيرها.
* التعريف بالموقع بأحد المجموعات البريدية التي تشارك فيها .
* إرسال بريد إلكتروني لأصدقائك ومعارفك بأحد موضوعات الموقع .
* استخدام خدمة RSS لتصلك أخر أخبار وموضوعات الوكالة ، ويمكنك ارسال ذلك إلى معارفك .
* إذا كنت على اتصال بأحد وسائل الإعلام أو صاحب أحد الأنشطة على الشبكة سواء مدونة او مجموعة بريدية يمكنك دعم الموقع من خلالها .
* يمكنك الاتصال بأحد العلماء او الدعاة أو قادة الرأي لتعريفهم بالموقع وأهدافه.
* اجعل اسم الموقع صفحة البداية على جهازك.
http://www.islamicnews.net
وفي حال عدم القدرة على المشاركة بأحد هذه المشاركات يمكنكم فقط ارسال هذه الرسالة إلى أحد الأصدقاء لعله يقوم بذلك وجزاكم الله كل الخير
مايو 14th, 2007 at 14 مايو 2007 12:10 م
مش فاهمة ابداً إيه سر غيرتك من جدو مبارك؟
والي مش فاهماه أكثر هو
أن تحكم ملايين تسأل عنهم يوم القيامة
ورجل في الدنيا ورجل في القبر وتنسى
أن تمضي إلى محرابك مصلياً قائماً ساجداً داعياً لله أن يغفر ما كان منك
وتتذكر كيف أن كل شخص من هذه الملايين سيتعلق في رقبتك يوم القيامة
ويطالبك بما ضيعه من حقه وما ظلم ما رسته أو أفراد حاشيته عليه
والله لا أفهم.. ولكن يقال
أن للحكم لذة لا يراها إلا من ذاقها.. دنيوياً فهي في الآخرة بلاء وإبتلاء
اللهم إنا نعوذ بك من فتنة الكرسي.. وإبتلاء الآخرة..
دمت وسلمت..
مايو 14th, 2007 at 14 مايو 2007 7:15 م
الحاقدون يسمونه الرجل ذو القرنين لانه عاش القرن 20 و 21 وربما بيرسم على القرن 22
ونقول لهم موتوا حقدا ربنا يزيده قرون تضاف لقرنيه ويغيظكم
تحياتي حبيبي واحد تاني
لم حكيت أنا في السياسة
قلت لي الأفكار الجهنمية دي بسبب لحمة العيد!!
بس انت أفكارك الجهنمية بتيجي من غير لحمة عيد وده شيئ بحسدك عليه
تحياتي وكل الشوق
مايو 14th, 2007 at 14 مايو 2007 9:41 م
السلامن عليكم
أدعوك للمشاركة والتعليق على موضوع إشكال علم التفسير في مدونة الصرخة قلم للبويسفي
مايو 27th, 2007 at 27 مايو 2007 11:49 ص
أخي الكريم
مقالة متميزة واكثر ماأعجني وشعرت أنها واقعية
قولك أتذكر انجازاته المهولة خلال فترة حكمه الممتد الزاهي ..
بحر الإخوان
يونيو 2nd, 2007 at 2 يونيو 2007 5:59 ص
مش هاتبطلوا حسد ونق؟
يونيو 8th, 2007 at 8 يونيو 2007 6:18 م
السلام عليكم ورحمة الله وبركاته…واحشنى يا صاحبى..وكمان انا مبسوط من جمال مدونتك بعد غياب7شهور ..اول مارجعت بحثت عن((اقتباس))لواحد صاحبى قبل ماأفتح على ((سجدة ))…منتظرك …!!!
يوليو 6th, 2007 at 6 يوليو 2007 10:00 ص
سلام الله عليك
كعادتي أحمل أوراقي وأشواقي وأحل بينكم
كعادتي أجد حلاوة الحوار معكم وإن خالفتكم
كعادتي ربما لا أضيف لك جديداً لإدراجك القيم
لكني أبداً لن أستطيع أن أستغني عن زيارتك
فهل تسمح لي بلإلقاء التحية والسلام فاليوم
يوم فرحنا و يوم بركتنا يوم الجمعة الأغر عيد في
الأرض وعيد في السماء وعيد من أعياد المسلمين
بالأمس إحتفلنا في الجزائر بعيد الإستقلال والشاب
فهل حقاً إستقلت أوطاننا من ظلمات الإستعمار هل
حقاً حفظنا العهد وأدينا الأمانة للشهداء كلها أسئلة
أبقى عاجزاً عن الإجابة عنها فإن كنت متفائلاً قلت
نعم اليوم الجزائر في مراتب الدول ؟؟؟؟؟؟؟وإن كنت
متشائماً قلت ماذا كسبت الجزائر بإستقلالها ؟؟؟؟؟
لكن إذا وضعت نفسي في منزلة المتشائل فإني
سأجد نفسي مجبراً على أن أحمد الله على نعمة
الإستقلال وإن أضاع حكامنا الأمانة لكننا دائماً بعيدين
عن طغيان الإستدمار الفرنسي الذي خرب البلاد
وعات فساداً في البلاد والعباد …………………
وإليك أهدي هذه الدرر فتقبلني وتقبلها من قلب يكن
لكم كل الود والإحترام وإن خالف هواكم فسلام الله
عليكم وحفظكم الله من كل سوء ونصر الله المستضعفين
وهدانا للحق وألف بين قلوب إخواننا في سائر البلاد العربية
ولا أراكم مكروهاً في عزيز لديكم ولا في أوطاننا قاطبة
قال علي رضي الله عنه
من جمع ست خصال
لم يدع للجنة مطلبا
ولا عن النار مهربا أولهما :ـ
من عرف الله فأطاعه
وعرف الشيطان فعصاه
وعرف الحق فاتبعه
وعرف الباطل فاتقاه
وعرف الدنيا فرفضها
وعرف الاخرة فطلبها
مودتي وتقديري
يوليو 9th, 2007 at 9 يوليو 2007 9:40 م
ياكل ضعيف مهزوم انت الظالم …. بسكوتك انت تشجع من يهوى الظلم
مع تحياتي ……واحد تاني والسلام
يوليو 10th, 2007 at 10 يوليو 2007 11:18 م
سلام الله عليكم
الحبيب
واحد تاني الغالي
اشتقت لك
عذرا على الغياب لظروف خاصه وصحيه
اردت الاطمئنان عنكم ولي عوده للرد حالما تتحسن صحتي
محبتي
الشاعر والكاتب الفلسطيني / منذر بهاني
يوليو 15th, 2007 at 15 يوليو 2007 4:57 م
سوريا صوت الحق الاخبارية تتوجه الى كل أصحاب الضمير الحي من مؤسسات دولية وعربية ومنظمات لحقوق الانسان بالعمل على حل مشكلة إخواننا العالقين على معبر رفح الحدودي وإننا إذ نطلب منكم التحرك وبسرعة للعمل على حل هذه المشكلة ووضع حد وحل نهائي لها.. فإننا نفتح الباب لدعم إخواننا العالقون على معبر رفح أمام جميع المشاركات وإبداء الرأي والحلول، علّ صوتنا يسمعه من به صمم ؟!!
شارك ولو بكلمة … عبر عن نفسك واوصل صوتك العربي الى من صموا آذانهم عن سماعه…
يوليو 20th, 2007 at 20 يوليو 2007 12:13 ص
عمنا احمد فؤاد نجم ده فنان بجد
معلش قولت اسمه وعشانا عليك يارب
(يمهل ولايهمل)
ربنا كبير
خلى ذنوبه تزيد
هيتحاسب كتير اوى
كفاية كده انا بجرى على نفسى الغلبانة
تحياتى
مدونة رائعه
أغسطس 2nd, 2007 at 2 أغسطس 2007 4:58 م
انت تقلان ولا ايه؟؟؟
فين جديدك
يا راجل
بلاش دلع
مستنينك
تحياتي
أغسطس 6th, 2007 at 6 أغسطس 2007 4:50 ص
يا ترى أنت فين دلوقت ؟؟؟ ولسة ياترى فاكرنى … ولا بقيت واحد تانى !!!!
أغسطس 6th, 2007 at 6 أغسطس 2007 10:57 ص
ادعوكم لزياره مملكه كل العرب
ملتقى لكل قلماً واعى ونابض بالحياه
فبكم ومعكم سنرتقى الى الافضل
فهذه مملكتكم وهذا مكانكم
فاهلا بكم ويسرنى تواجدكم
http://klelarab.8888mb.com/vb/index.php
\\\
أغسطس 16th, 2007 at 16 أغسطس 2007 6:01 م
السلام
موضوع احيييك عليه ماشاء الله
ارجو زيارتك والتعليق عاي موضوع الاستقامة
الجزء الاول والاجزء التاني وان شاء الله الجزء الثالت
استسمحك
والسلام
سبتمبر 4th, 2007 at 4 سبتمبر 2007 8:28 ص
حذر وفزر من القائل وما المناسبة
==================
*************************
شعر حلمنتيشى لشاعر عظيم يا ترى على لسان من هذا الشعر ؟؟؟؟؟؟
********************************************************
ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي شايف وعارف وخايف وبالع لسانه وكاتم ماقال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال
سبتمبر 4th, 2007 at 4 سبتمبر 2007 8:35 ص
حذر وفزر من القائل وما المناسبة
==================
*************************
شعر حلمنتيشى لشاعر عظيم يا ترى على لسان من هذا الشعر ؟؟؟؟؟؟
********************************************************
ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي شايف وعارف وخايف وبالع لسانه وكاتم ماقال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال
سبتمبر 5th, 2007 at 5 سبتمبر 2007 10:46 ص
هنا مش مسابقات ح اعديها المرة دي القائل الشاعر:سعيد حبيب راجل مصري وطيب وغلبان زي كتير غيره ، له التحية ولك (واحدتاني)والسلام
نوفمبر 12th, 2007 at 12 نوفمبر 2007 6:39 م
امتعوناااااااااااااااااااااااااااااااااااااااااااااااا
ديسمبر 10th, 2007 at 10 ديسمبر 2007 8:01 م
احنا كذا خذو عندكم اليمن ايضاء له 30 سنة و هو يمثل ويسرق اموال الدولة و الشعب له الله
أكتوبر 14th, 2008 at 14 أكتوبر 2008 1:39 ص
حسبنا الله ونعم الوكيل ياترى امته الافراج عننا كمساجين
يناير 8th, 2009 at 8 يناير 2009 1:54 م
انا فلسطيني من الضفة الغربية
واللــــــــــــــــــة واللــــــــــــــــــــة واللـــــــــــــــــــــــة
لن نسامحك امام اللـــــــــــــــــــــــة سبحانة وتعالى
انت التي قتلت اخواني في غزة واخواتي وامي وابي
غضب الله عليك يا مبارك