اقتربت الساعة     -     الريحة فاحت

وكمان بعد تصريح الريس المباشر بان الاخوان خطر حقيقي على امن مصر

يااما يتفرعن العادلي اكتر ويزيد بجاحة

أو يتراجع الريس عن الكلمتين اللى قالهم وتتم اقالة العادلي باشا أو قبول استقالته

التعذيب.. الاعتقالات .. الانتهاكات .. مش هي السبب .. لانها موجودة من زمان

لكن السبب

الانترنت …مدونات .. فضائيات .. انتشار سريع خارج اسوار البلد لفضايحه

.. لو كانت فضلت جوه .. اكيد كان تم التعتيم عليها زي كتير من الملفات السوداء .. لكن الريحة فاحت

النظام .. في خانة اليك .. مزنوق

بات النظام مضطراً  الآن .. أو غدا أو بعد غد  .. وخلصة هوجة اعياد الشرطة وممكن دلوقتي إقالته ، ولكن ربما تحت مسمى نقله لمركز أعلى حتى لو مستشار للرئاسة ، او ناظر أي عزبة أقصد محافظ

ونضطر للتضحية بحبيب العادلي وزير الداخلية المصري فالرئيس بتاعنا بصراحة يحب الدم الجديد و بصراحة ايضا فقد استنفذالعادلي كل ما عنده لخدمة النظام ولم يعد عنده جديد

الحل الآخر … ان تكون ايام سواد على كل المعارضين خصوصا بعد ان دخل الريس طرف في العداء مباشرة مع الاخوان بتصريحه انهم خطر على الامن القومي ، طبعا لان فعلا الاخوان خطر بس على امريكا واسرائيل وتوابعهما ، تصريح الريس لا من دماغه ولا يحزنون، المثل بيقول :بإن اللى مالوش كبير بيشتري له كبير ،و عيش ندل تموت مستور … وح يلاقوا اكبر من امريكا ايه في افقهم الضيق وبصيرتهم العمياء

ما علينا مش ح يفيد الكلام معاهم

هل يزداد فرعنة الطغاة أو يستقيل او يقال العادلي ؟

طبعا ننتظر انا وانتم والريس آراء الاسياد

اسياد الكون غصب عن اللي جابوني أنا

وهذا دائما السبب في التغيير في التطبيع .. في الشجب .. في الصمت

في أيام عصر شعوذة الزار العالمي الجديد

هانت .. صدقني