احنا والغرب
كتبها(¯`·._.·(واحدتاني)·._.·°¯) ، في 9 يونيو 2006 الساعة: 00:29 ص
والنعمة احنا اجدع منهم
احنا اجدع منهم هم عندهم حرية وديموقراطية والحال ماشية اللى بيبيع هوا بيكسب
واحنا عندنا الغلب والصلب والمعتقلات واللى انيل
ليه بقى ……….أقولك
لان لا يكلف الله نفسا الا وسعها
يعني احنا ربنا عارف اننا نستحمل اكتر منهم عيال جامدة
بنقدر نتحمل الحكام الظلمة اللى بيستكتروا علينا حتى الصراخ
لكن هم مش يقدروا يتحملوا اي حاجة فعندهم بقى ديموقراطية وحرية وما فيش تعذيب لانهم ما يستحملوش
لكن احنا نتحمل اكتر كمان
مش باقولك احنا اجدع منهم
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
يوليو 5th, 2006 at 5 يوليو 2006 10:24 ص
ايه ياعم ده هو اي كلام كده يبقى اسمه مدونة
يوليو 5th, 2006 at 5 يوليو 2006 10:27 ص
عزيزي كفاية مش عارفين نفتح بقنا في بلدنا كمان عاوز توضع قيود على الكلام في البلوج
ارحمنا سيبنا نقول اللى في نفسنا
وما دام باحترام
يبقى مش المشكلة في بساطة الكلام
صدقني المشكلة انه يكون صادق وفعلا تعبير او منبر للرأي بدون قيود
وبالمناسبة
تحياتي وشكري العميق للقائمين على بلوج مكتوب