الحمل !!! هو الحـــــــــــــــــل
كتبها(¯`·._.·(واحدتاني)·._.·°¯) ، في 14 يونيو 2006 الساعة: 05:47 ص
الحمل هو الحل
وحياتك يارب احنا كلنا عُبط جمع عبيط
عدت علينا واعطونا حقن منع الحمل
كنا بنصدق اولي الامر
كل ما يقولونا حاجة نفكرها في مصلحتنا
*************************
قالوا اربطوا الحزام ربطنا
قالوا نخصخص خصخصنا
قالوا سلام سلمنا
قالوا حوار استحورنا
قالوا لا للارهاب قلنا
قالوا انتخابات انتخبنا
قالوا حقوق المرأة قولنا
قالوا تطبيع رفضنا وبرضه طبّعوا من ورا ضهرنا
جابولنا تقاوي متسرطنة ومريضة اكلنا
قالوا نشجع استثمار وصناعة
بنينا مصانع اللبان والعلكة
********************
فيه ايه يااخواننا احنا يظهر علشان اتعودنا الاشياء ماعدناش شايفنها غريبة !!!!
كل ما يقولوا حاجة نأمن وراهم
كل ده على امل ان يتبدد الظلام أو نرتاح
نلاقي عيش بدون تراب أو حشرات
****************************
وطبعا النتيجة كلنا عايشينها
انحدار على كل المستويات والاصعدة
وآخطر حاجة اخلاقياتنا رجولتنا نخوتنا
لا ياجماعة الموضوع عاوز صحوة
اسيادنا فعلا بيعملوا كده للمصلحة
بس مش مصلحتنا صدقوني مصلحة اسيادهم
طب حد يفهمني يقنعني
هاتولي دليل عملي ان حكامنا دول مننا
********************************
ياناس ………… يا قوم
احنا نفوق بقى وسيبوا الحقن بتاعتهم دول قاصدين يموتوا عزيمتنا ورجولتنا …….. فوقوا بقى ياناس
احنا يا اخونا امة اسلام حتى لو بالاسم
كلنا اصبحنا متخومين بالانهزامية والخذلان
والله احنا في نهاية الزمان
ايه فاضل من الذل بعد كده
لسه ح نشوف ايه اكتر من اللي بيحصل فينا
قصدي بيحصل لينا لاخوننا وبناتنا المحاصرين
حد ياجماعة ينقذني يقولي ان فيه امل في حكامنا
انا يائس من زمان من الحكام بس اليوم بقيت يائس من الشعوب كمان ايوه انتم وانا
لأن واضح إننا عشنا الذل والهوان واتكيفنا معاه
********************************
و بقينا زي ما بيقولوا عندنا في الفلاحين
بِنِسْتَلَذِبُه
********************************
ولو فيه حد لسه عنده نخوه ورجوله يعمل زيي
بسرعة وفورا يقلع عن
حقن منع الحمل
و يللا بقى نحمل علشان نبقى
……………………………………
لا لا لا لالا لالالالا
ارجوك ما تفهمنيش غلط
***************
الحقن :هي الاعلام الموجه المنظم لغسيل امخاخنا
و الحمل :هو حمل السلاح
****************
شوفت قصدي
جاوبني بقى
لما كلنا نحمل نبقى كلنا ايه؟
……………………………..
قول …..قول بجد ……… نبقى ايه؟
آيوه الله ينور عليك
…………. إرهابيين
وصدقني مش ح تفرق كتير
لأنك رضيت او رفضت
العرب ……. إرهابيين
آيوه أحنا بس اللي مش عارفين
أنا جايبها من الكنترول
ذا إيند
والله يسامحك يانصيرات
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
يونيو 16th, 2006 at 16 يونيو 2006 4:01 ص
السلام عليكم
والله معك حق في كل شي قلته.إحنا بنجري وراهم ووصلنا لحد فين؟ ولا مكان إلا الإنحطاط في شبابنا وأخلاقنا.بتمنالك التوفيق وبطلب كل الخير لبلدي وكل بلاد العرب.
يونيو 19th, 2006 at 19 يونيو 2006 8:00 م
SHIRIN شكرا واعتز دائما بتوجيهاتك وملاحظاتك
يوليو 22nd, 2006 at 22 يوليو 2006 2:32 م
حلوة قوى التركيبة دى بس ما تخافش العرب مركبين لولب والنتيجة مضمونة 99.9 % زى نتيجة الإنتخابات بالضيط . امضاء :- الحكمة قتلتنى
يوليو 23rd, 2006 at 23 يوليو 2006 9:22 ص
ايوه يا ابو احميد فين القفشات المصرية دي من زمان اضحكتني
صحيح هم يضحك وهم يبكي