النقاش الدائر حول مدونات مكتوب يشبه حالنا!بالظبط

مكتوب نافذة ومتنفس للتعبير عن الرأي والحرية متفقين.صح

بس يظهر احنا مش واخدين على الحرية

فمع احترامي الشديد لجهد كثير من الاخوة الذين بذلوا مجهود كبير لاخراج قانون او ميثاق او سمه ماشئت فأنا أسميه "الفلكة" أو الكرباج الذي يحد من الحرية

نعم.. فمكتوب يذيل الصفحة أن الأراء المنشورة تعبر فقط عن اصاحبها

فليكن هذا ميثاقنا .. لكن

واللي يشتم أو يسب فيها إيه ياجماعة

ببساطة كل إناء ينضح بما فيه

خلي كل اللى عاوز يقول حاجة يقولها

طب اقولك حاجة

مش فيه فضائيات مبتذلة ، أو حتى جنسية بصورة صريحة

خلاص كل اللى عاوز يقول حاجة يقولها

واللى يحب ……… يقرأ أو لأ الريموت في ايده

اظن دي الحرية ، ياريت تصححوا لي لو غلطان

واحد يقولي ياكابتن مارس حريتك دون إيذاء الآخرين

ماشي وحياة امي انا …. سيب الموضوع ده على جنب خلي مكتوب حاجة خاصة وساعات ياسيدي بنحتاج الظلام علشان نحس بقيمة النور فلا بد من وجود القبيح لنميز الجيد

وبعدين احنا مش مشكلة لما نتشتم

بيتهيألي العرب والمسلمين شبعوا شتيمة من اقلام ومؤسسات سياسية رسمية غربية ولا حد قالهم تلت التلاتة كام ده كمان بنسعى لتوطيد علاقتنا بيهم

يعني سيبك من موضوع الإيذاء النفسي دي ما تجيبش سيرتها

يعني أنا مثلا اذا كتبت مدونة والكل فضل يشتم ايه المشكلة ياسيدي ح افضل انا عظيم واللي بيشتم ماحدش ح يهتم بيه..ملحوظة طبعا العظمة لله دي بس مثال ممزوج بمزحة بهدف توضيح وجهة نظري

لكن المهم في الموضوع اني تخيلت مكتوب ده عبارة عن حكومة ديموقراطية انتخبتها انا واخواني وشعبي علشان تحكمنا وفعلا الحكومة بجد بتعشق الديموقراطية ونفسها ترضي شعبها ومريديها

بالله عليك تخيل معي الصورة واسقطها على الواقع

شوف بقى ايه اللي حصل بعد كده

كل يومين يطلع واحد زيي ثائر وعاشق للديموقراطية ومن الطائفين بمحراب الديموقراطية ….يقول: ايوه ديموقراطية وحرية بس يكون لها ضوابط يعني اللى ينقد في الصحافة ماشي بس ما يشوهش ولا يشككش في صورة حد ولا يفضل يهبهب على الفاضي لا لازم نوضع قانون وميثاق علشان اللى يستهبل نقطع لسانه

وطبعا بعد الصحافة نندار واحدة واحدة على كل لسان لغاية لما نلاقي نفسنا في سجن كبير مليان بالخرس بس المرة دي احنا اللى بنيناه

.. أنا شاكك ان العيب فينا مش في الحكام يظهر ان احنا فعلا مش ناويين ديموكراتيك

يااخواني سيبوا طاقة النور زي ما هي واقولكم صبروا نفسكم بالمثل اللى يقول : مافيش حلاوة من غير نار يارب نتفق بقى

بيان للمؤرخين المنصفين وانا معهم:ارفعوا الظلم عن حكامنا لازم نهتم بالبحث والتنقيب على إجابة للسؤال الآتي

هل فعلا الحكومات الديكتاتورية الان كان اصلها لما بدأت مكتوب قصدي حرة ديموقراطية ، وبعدين المحكومين هما اللى عندهم رضا بالقليل وفضلوا ينتفوا ريش الحريات لما وصل الحال للسجن الكبير اللى ما حدش يقدر ينطق فيه

يعني بمعنى آخر مش فاهمه العيب فينا ولا في مكتوب ولا في الكرسي

ولا الجحش لما ييجي يكبر بيبقى حمار