في المحروسة التي تتميز بالانضباط في كل شيء بدليل

ان في كل مكان طوابير

للعيش المدعم

للدواء المدعم حتى حفلات الرقص الخيرية

ولو قابلك سرادق عزاء تدخل تلاقي طابور للعزاء ساعتها تفتكر العزاء المدعم

المهم

ان الاشاعة دلوقتي يحولو الدعم لنقدي بدل عيني

ده اصلا كلام قصده يشغل الناس عن 

الكارثة اللى عايشين فيها -قصدي ميتين فيها- الغلاء وسياسة العمالة والتواطوء..و .. و.. وتخبط الحكومة العميلة للأثرياء وصحاب الملايين على حساب الغلابه .. وعد انت بقى كام الف موقف للحكومة واللى جابوها يكسف ويخزي سواء داخلي او على مستوى الامة العربية او العالم كله

هو الناس والدعم موجود لاقيه تاكل بلاش لاقية تلبس ولا تتعالج ولا حتى تصرخ

بالذمة انا ما عرفت ان فيه دعم غير لما سمعت انهم ح يشيلوه

دعم ايه وكيلو الزيت بـ9 جنيه………. الله يرحمك ياست

خلاص دي اخر الافكار علشان واحدة واحدة يحكموا الخناق على الشعب لغاية لما يدبل ويموت لوحده

وبعدين يجيبوا شعب تاني مستورد ابيض وعنيه خضرا وزرقه وشعره اصفر شعب مهجن مافيهوش قفلة المخ والعداء السافر لدول اصبحت صديقة بيننا وبينها علاقات دبلوماسية وتجارية

لان الشعب ده راحت عليه -

فلذلك يبقى شعار المرحلة تجديد الشعب

صحيح شر البليه ما يضحك خلاص الناس الطيبين دخلوا جد في اشاعة الدعم وشيله قال يعني هي دي القضية

تلاقي الراجل ماشي وعمال يشد اللى باقي من شعره واحدة واحدة

 ح يشيلوه لا مش حيشيلوه ………..قصده الدعم يعني

زي الفيلم اللى الواد ماسك وردة ينتفها ويقول بتحبني .. مابتحبنيش

بجد حاجة تقرف قصدي تفقر

وعجبي