وحــــــــــــــــوي يا وحوي

أنقرهناأولا

رررررررررررررمضان كـَــَـَـَـَـَـََـَــَـَـَـَـَـَـريـِـِـِـِـِـِـِـِم

الله يرحمه السيد مكاوي بأغاني المسحراتي ،وغيره كتير

رمضان جانا وفرحنا به

وفؤاد المهندس الله يرحمه وصوت صباح<الراجل ده ح يجنني

المهم:-

عاوزين يكون في تنسيق بين القنوات التليفزيونية ويوزعوا الفوازير والمسلسلات ، والكاميرا الخفية بحيث تكون مواعيدها غير متضاربة

وعاوزين الخشاف ، والعرقسوس ، والزبادي عشان السحور

وكمان يخلوا مواعيد المسلسلات الدينية في الآخر ويخلو المسلسلات الاجتماعية قبلها علشان بنكون نمنا

 وياريت طبق اليوم ، يكون فيه أكلات متاحة للعامة ، مش كلها أسامي وأصناف أصلا بتحتاج كتالوج لأكلها

أنا أقترح إنهم يعملوا دليل شامل لكل البرامج والمسلسلات والافلام الجديدة في رمضان علشان نتمكن من متابعتها كلها ، لأن اليوم مش بيكفي متابعة كافة المسلسلات فيجب الاعادة

والكنافة والقطايف  طبعا دي بقى التحلية الاولى بعد الفطار الدسم والواحد يفضل متنبل ومبلم ومرمي قدام التليفزيون ، وبالنسبة لنصف رمضان ، نبدأ نجهز لكحك العيد ، ولبس العيد ، ونتابع الحلقات الآخيرة من المسلسلات ، ونشوف عروض افلام العيد ، وياترى ح يقدموا لنا ايه السنة دي

ويعدي رمضان ،،،،،،

وياهل ترى صلينا التراويح

ختمنا القرآن

ربما رمضان فرصة لنــــــا

الجهاد الأكبر جهاد النفس

قالت احدى الصهاينة لن تهزموا هذه الأمة ما زال القرآن في صدورهم يحفظونه ، وتمتليء المساجد لصلاة الفجر ،،، هذا هو سر قوتنا

هـــــــــاه ناويين نجاهد

نرفع الذل والهوان اللى احنا فيه

كل ده في إيدك يا أخي وإنتي ياأختي

خلي الإجابة بشيء عملي

فقط جاهد نفسك

وسنرى مستقبل مشرق لأمتنا كلها ، بإذن الله

ملحوظة هامة

يوميات رمضانية أو يوميات صائم

بافكر نعمل يوميات صائم بأن أنشر يوميات رمضانية تتغير كل يوم × رمضان ، ولكن يحررها أصدقائي المدونون، أسعد بكل إضافة من الاصدقاء ، فقط اضغط على وصلة تراسلني يمين مدونتي وارسل يومياتك ، منتظر التفاعل …….. شكرا لكم